ARTIKEL

Richard (tiga kanan) meri tepa ngagai siku penyereta ti diperatika Rentap (dua kanan) ba pengawa nya. - Foto: UKAS

Pengelandik nguasa jaku English nyadi pugu pemujur pelajar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BETONG: Pengelandik nguasa Jaku English ba renggat sekula ulih nyadi pugu pemujur ba pelajar. 

Sapit Menteri Nembiak, Lumba enggau Pemansang Orang Dagang Sarawak, Datuk Gerald Rentap Jabu, madah pengelandik nguasa Jaku English mega ulih nempa nembiak nyulut ba pelajar Sains, Teknologi, Injiniring enggau Matematik (STEM). 

“Tu mega ulih mantu Perintah Sarawak ngalih ngagai ekonomi baru baka ekonomi hidrogen enggau chara nyimpan karbon ari pemintar runding nembiak rebak baru diatu,” ku iya. 

Iya nerangka pekara nya lebuh bejadika Pengerami Makai Lemai PIBG Sekula Primari (SK) Nanga Ajau, Betong Taun 2024 ba Balai Makai SK Nanga Ajau ditu. 

Ku iya, nembiak rebak baru di Betong diatu mega ulih nampung pelajar sida ngagai tikas ti tinggi agi maya Sarawak meri pelajar pechuma ari Perintah Nengeri belabuh ba taun 2026 ila. 

Iya mega meri puji ngagai Kepala Pengajar, pengajar enggau nembiak sekula nya laban udah nyulut ba pelajar sida lalu nampung pelajar sida ngagai MRSM Betong enggau Sekula Antarabansa Yayasan Sarawak. 

“Ari nya, tu nunjukka sekula menua pesisir mega ulih mansang ba pelajar baka sekula bukai,” ku iya. 

Berebak enggau nya, Kaban Kunsil Nengeri (ADUN) Layar nya mega udah ngungkupka belanja RM20,000 dikena sida ngatur aktiviti robotik di SK Nanga Ajau, Betong. 

Dulu ari nya, Kaban Parlimen Betong, Dr Richard Rapu, mega ngelalau apai indai enggau nembiak ba sitak nya semampai beratika pekara pelajar. 

Iya mega madah, penyulut ba pelajar ukai semina ulih nulung sida ari sukut begigaka pengawa tang mega ulih nulung sida nyulut ba pengidup enda ngira penemu ti dipelajar. 

Maya nya mega, iya meri agih belanja RM5,000 ngagai PIBG SK Nanga Ajau dikena sida ngatur aktiviti sida ti bukai. – EDISI UKAS

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU

Lanesix cipta sejarah, julang Piala Tunku 2026

KUCHING: Lanesix FC dinobatkan sebagai juara Piala Tunku 2026 selepas menewaskan Holdfast FC 3-1 menerusi penentuan sepakan penalti pada aksi final di Padang KDFA, semalam.