SIMUNJAN: Pengerami Simunjan 2019 dikeandal ulih dipasuk dalam kalinder dagang temuai Sarawak pengudah 130,000 pengusung nedat pasar nya tiga hari berunggu, tembu pagila.
Adun Simunjan Alwa Dris madahka diri besai amat pengandal ngangkatka pengerami diatur dua taun sekali nya deka nyadi pematak baru.
“Aku ngarapka pengerami tu deka ngangkatka nama Simunjan ngagai orang luar.
“Kitai dekaka Simunjan nyingkang jauh agi ke mua lalu badu agi dikumbai menua ‘suntuk’ enggau ‘mesekin’,” ku iya.
Ku Awla, batang tuju ngatur pengerami tu endang deka ngempung kaul serakup peranak ditu enggau genturung pendiau ngelingi.
