MIRI: Lebih 300 penyereta ngarika 15 gerempung ukai dikuasa perintah (NGO) raban bansa Iban udah ngerichah Pengawa Bejalai Bebala Mayuh Pengerami Mantar Gawai Dayak Miri 2023.
Sapit Menteri Pengerai Mensia Mayuh, Pengawa Berumah enggau Perintah Lokal, Datuk Dr Penguang Manggil mega udah ngulu pengawa nya ba Dataran Kipas, Miri kena 1 Mei 2023.
Ba pengawa nya, bisi 15 NGO Iban udah ngerichah Pengawa Bejalai Bebala Mayuh Pengerami Mantar Gawai Dayak Miri 2023.
Nya nyengkaum Serakup Dayak Miri (Dam), Serakup Seni Kuntau Pukulan 7 Miri, Serakup Terabai Menua, Serakup Gagasan Anak Dayak Sarawak (GADS) enggau Serakup Indu Dayak Sarawak (SIDS) Pampang Miri.
Pia mega, Serakup Pengukir Seni Tradisional Kenarau Miri, Sarawak Dayak Educators Association (SDEA), Serakup Tuai Rumah Beluru Marudi, Serakup Seni enggau Main Asal Tampun Juah (Tajai) sereta Serakup Seni Kuntau Helang 12 Miri.
Bisi mega Gerempung Orang Asal Sarawak Sabah (GOASS), Dayak Empire, Serakup Gendang Pampat enggau Main Asal Iban Kuching (PGPMAIK), Serakup Etnik Dayak Asal Sarawak (PEDAS) enggau Serakup Indu Dayak Lambir.
Iya muji pengawa dipejalai enggau kerejasama 15 NGO ba Sarawak kelai komuniti Sarawak endang ngemerat kaul serakup dikena nyaga pengelantang begulai.
