ARTIKEL

Mancha (tiga kanan) bejadi program nya seraya dikemata (ari kiba) Wong, Ibrahim, Dr Annuar enggau Lukas.

Penyalah komersial majak nambah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Siti penyalah ti ngirau ke ati ba jeman tu iya nya penyalah komersial tauka penyalah nipu mungkur pengerugi beribu ringgit enggau bisi nyentuk bejuta ringgit.

Kepala Polis Sarawak, Datuk Mancha Ata, madah ba timpuh Januari nyentuk Disember 2023, bisi 2,958 kes komersial dirikod di Sarawak dibanding 2,461 kes ba timpuh ti sama ba taun 2022.

“Pengerugi penyalah komersial di selampur Sarawak taun 2023 iya nya RM117,064,580.71 (RM117 juta) seraya ba timpuh ti sama taun 2022 penyampau RM65,884,824.19 (RM65 juta), niki ngagai RM51,179,756.52 (RM51 juta).

“Ba timpuh 1 ngagai 31 Januari 2024, bisi 240 ripot diterima mungkur pengerugi RM7,811,623.87 (RM7.8 juta),” ku iya lebuh bejadi Program Polis Komuniti Penyedar Nagang Penyalah ditu, kemari.

Ba Pelilih Sibu, ku Mancha, bisi 615 kes penyalah komersial dirikodka ba taun 2023 dibanding 444 kes ba timpuh ti sama ba taun 2022 iya nya nambah 171 kes.

Terang iya, pengerugi penyalah komersial di pelilih nya ungkup timpuh nya penyampau RM16,032,957.72 (RM16 juta), seraya ba timpuh ti sama taun 2022, pengerugi penyampau RM7,740,531.39 (RM7.7 juta).

“Raban Polis DiRaja Malaysia (PDRM) nengah Opis Pansik Penyalah Komersial (JSJK) Sarawak ngesan tanggungpengawa mansik kes penyalah komersial baka nipu, makai suap, ngaga pengawa bula, pemeri jali wang nadai lisin tauka along, duit pelesu enggau ke bukai,” ku iya.

Kelimpah ari penyalah siber, ku iya, komuniti mega naka ulih munas penyalah dadah.

Ba penyalah dadah, ku iya, Opis Pansik Penyalah Narkotik (JSJN) beempu tanggungpengawa munas pengawa ngidar enggau salah guna dadah.

“Statistik nunjukka ba taun 2023, bisi 1,152 iku orang dirikodka ditangkap ba Pelilih Sibu dibanding 895 iku orang dirikod ba taun 2022.

“Ari statistik nya, kitai meda penyalah dadah tu endang siti penanggul ti meseti diputar lengkas.

“PDRM kelebih agi JSJN semampai munaska penyalah ngidar enggau salah guna dadah nentuka komuniti likun enggau lantang,” ku iya nyemetak.

Sama bisi datai, Sapit Menteri Pelajar, Inovasyen enggau Pemansang Penau Sarawak, Datuk Dr Annuar Rapaee, Sapit Kepala Polis Sarawak, Datuk Ibrahim Darus, Tuai Unit Nagang Penyalah enggau Pengelikun Komuniti PDRM Kontinjen Sarawak, SAC Lukas Aket, Tuai Polis Pelilih Sibu, ACP Zulkipli Suhaili sereta Residen Bagi Menua Sibu, Datuk Wong Hee Sieng.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU