KUCHING: Penyampau penerebai bilun ke Sarawak agi baka pemutus digaga 1 Ogos tu tadi.
Chairman Komiti Penyangga Penusah Ngenyit Nengeri (JPBN) Sarawak, Datuk Amar Douglas Uggah Embas madah, pekara nya agi nitihka pemutus digaga kena 1 Ogos, ti dipejalai nyentuk 31 Ogos ila.
“Nya alai nadai ubah ba penyampau penerebai ngagai menua tu, agi baka pemutus sebedau tu,” ku iya.
Nambahka nya, pengereja servis bekaul baka orang gawa perintah enggau sektor dagang temuai ulih minta dikelaung ari kuarantin.
Taja pia, sida mesti nganjung peminta nengah (enterSarawak) disempulang surat ari pengaji.
Ba lansa sama, Pelilih Menua Samarahan enggau Lundu kemari betukar status gadung pengudah kekedua pelilih menua nya nadai ngerikodka kes dirampit Covid-19 dalam timpuh 14 hari tang Pelilih Menua Kuching enggau Serian agi zon kuning.
“Bisi tiga kes suman enggau dikemendar pansut ari sepital, dua ari Pelilih Kuching enggau siti ari Samarahan kelimpah nadai ngerikod kes positif baru sehari tu,” ku iya.
