KUCHING: Sinu beratika penusah pengidup ditapi Dizon Aplin ke semina ngenduh ba sebuah langkau mit ke diempu niang indai iya, Gerempung Hope Place Kuching datai mantu lalu ngabas tudah ba Batu 13.

Bantu nya mungkur barang pemakai enggau ai irup.

Hope Place nengah sebengkah penerang madahka Dizon nadai orang enggau sebilik sereta nadai tentu penatai pemisi.

Nyema bisi pengawa dikereja, iya kekadang semina nerima upah enda ngelui ari RM40 sehari.

Beduduk ari langkau Dizon ke nadai karan, iya semina ngena lampu kelita enggau nyumai ngena kayu.

Lebih sinu, pun penatai ai dikena Dizon beridup ngandalka sebuah pegung mit enggau ai ujan.

Penerang silik, tau barang sapa ti begunaka bantu tau betelefon terus nuju Hope Place ngena lumur 082-505987.