MUKAH: Piak Kaban Komiti (AJK) Komiti Pemansang enggau Pengelikun Genturung Pendiau (JKKK) Kampung Sau udah nyuaka bantu dikena ngelempungka tating penusah sida.
JKKK Kampung Sau ngarika semua peranak Kampung Sau nyuaka bantu gari ngagai sida ti tasah angus rumah panjai Tingang Anjang di Sungai Sebakong, ditu kemari.
Sepenyampau 36 iku ba rumah panjai nya diarika Tuai Rumah Tingang Anjang nerima bantu disuaka Chairman JKKK Kampung Sau, Mazlan Abdullah.
Pia mega, rumah panjai tu datai ari lima ruang bilik napi penusah angus urung 11.30 malam kena 14 September.
Sida mega nerima bantu barang diguna ari Kaban Parlimen Mukah Datuk Hanifah Hajar Taib disuaka pengari Kampung Sau,Mukah sehari tumu ari sida tu.
Ketuai Nembiak Parti Pesaka Bumiputera Bersatu (PBB) Pampang Kampung Sau, Kenek Neng mega bisi nyempulang pengawa nyuaka bantu tu.
Kaban Parlimen Mukah, Datuk Hanifah Hajar Taib lebuh dirandau madahka diri siru meda penusah ti nuntung peranak ba rumah panjai nya lalu ngarapka sida sabar sereta lantang ati laban nadai penusah bebadi nyawa nyadi.
Hanifah mega meri jaku gerah ngagai mensia mayuh seruran nyaga pengelikun ba rumah enggau pengerai sdia maya musin besebun enggau kemarau diatu.
Kelimpah ari nya, iya minta sida ke diau ba rumah panjai, rumah kediri enggau begunan seruran bejimat lebuh bekenaka karan enggau dapur.
