ARTIKEL

Perintah besai patut adil mantu pekebun mit getah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak nadai sebarang penanggul senentang langgur perintah besai ti deka meri bantu musin landas ngagai 70,000 iku pekebun mit getah di Sabah ke diatu.

Taja pia Sapit Kepala Menteri Datuk Amar Douglas Uggah Embas madah pekara tu deka nyadi lebih adil nyema bantu ti sama diteruska ngagai pekebun mit ba nengeri ti bulih bantu nitihka atur nya.

“Nitihka atur diatu, RM600 diberi ngagai genap orang ke ngempu tanah enggau kebun enda lebih ari 6.5 hektar,” ku iya.

Sebedau tu, iya madah semina pekebun mit ti ngembuan kebun kurang ari 2.5 hektar deka nerima bantu nya.

Iya nerang, Sarawak ngembuan urung 74,000 iku pekebun mit ti ngerejista diri ba Opis Betanam Betupi Nengeri.

“Urung 58,000 iku orang bekebun ngembuan kebun kurang ari 2.5 hektar, nya alai kami deka sida ti bulih bantu nitihka atur ti baru ngambi ulih ngena bantu nya,” ku iya.

“Kami ngasaika pekara ti sama patut nyadi di Sarawak kelebih agi mayuh pekebun mit Sabah diatu bulih pemaik ari bantu nya,” kenu ku Uggah ti nyadi Menteri Betanam Betupi Moden, Tanah Adat enggau Pemansang Kandang Menua.

“Nya alai, kami ngelalau perintah besai ngambi berundingka pematut ngagai pekebun mit kami di Sarawak,” ku iya dalam siti penerang ba ditu sehari tu nyadi timbal balas ngagai penerang Menteri Pekara Wang Lim Guan Eng senentang peminta tumu Uggah pasal bantu ngagai pekebun mit nengeri.

DATUK AMAR DOUGLAS UGGAH EMBAS

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU