ARTIKEL

NEMUAI… Kim Shin (tengah) rambau nemuai ngagai ICQS Mengkalap Trusan ditu, kemari.

Perintah chakah mutar penanggul sekut ba ICQS Merapok

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

LAWAS: Perintah sarawak diatu benung merambu ngiga chara mutar timpuh pandak dikena ngurang penanggul trafik sekut ba Kompleks Imigresyen, Kastam, Kuarantin enggau Pengelikun (ICQS) Merapok.

Menteri Pengangkut, Datuk Seri Lee Kim Shin madah, penanggul sekut nya patut diputar ungkup timpuh panjai laban palan nya ngerikod aktiviti tama pansut kedua pemadu mayuh pengudah ICQS Sungai Tujoh.

“Ungkup timpuh panjai, kitai deka nungkap chara kitai nambah infrastruktur jalai ditu dikena mutar penanggul sekut kelebih agi maya jam mayuh entukar.

“Bepelasarka rikod Opis Kastam Lawas, sepenyampau 195,687 entukar tama pansut nengah adan Mengkalab sepanjai taun 2023 lalu ba bulan Januari nyentuk April taun tu, kitai ngerikod 73,221 buah entukar.

“Nangkan Nya, pengusung ti nengah adan Mengkalab enggau Merapok ba Lawas ungkup timpuh Januari nyentuk April taun tu ngerikod 466,466 iku,” ku iya.

Kim Shin mansutka jaku nya rambau aum pemberita ba ICQS Mengkalap Trusan ditu, kemari.

Iya madahka Imigresyen Sarawak deka ngaga perambu timpuh panjai ba Sungai Tujoh, Pandaruan, Mengkalap enggau Merapok kelimpah ngatur aum begulai enggau Perintah Brunei.

Taja pia, ku iya, Perintah Sarawak semina mantu ngiga chara mutar sekeda penanggul laban ICQS nya endang ba baruh kuasa Perintah Besai.

Ngelansa silik pasal ICQS Sungai Tujoh, Kim Shin madahka Perintah Sarawak udah ngemendar agih belanja sepenyampau RM4 juta dikena mutar penanggul sekut dia.

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU