ARTIKEL

Perintah Sarawak ngagihka RM10 juta dikena ngaga Anjung Usahawan Sarikei

Perintah Sarawak ngagihka RM10 juta dikena ngaga Anjung Usahawan Sarikei

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARIKEI: Perintah Sarawak nengah Ejensi Pemansang Delta Rajang (RADDA) ngagihka RM10 juta dikena ngamat juluk ngaga Anjung Usahawan ba pengawa negap ekonomi pedagang mit ba pelilih tu.

Kaban Kunsil Nengeri (ADUN) Kuala Rajang, Datuk Len Talif Salleh madah, fasiliti nya ulih ngerumban transformasyen sosioekonomi sereta nyukung pengerembai dagang mit enggau jelan pemesai (PKS).

Iya madah, fasiliti nya ila deka nyadi siti inisiatif beguna ba pengawa nyendia palan bedagang ti strategik enggau lantang agi ngagai bala pedagang.

“Inisiatif tu deka nyendia pengawa puang sereta mantu bala pedagang ngerembaika dagang sida seraris enggau pengerembai ekonomi enggau pemansang Sarawak.

“Aku ngena pelasar tu (nyendia Anjung Usahawan) dikena meri pemaik ngagai raban tu,” ku iya.

Len Talif mansutka jaku nya rambau Program Bejadi Mykiosk Bazar Riadah, Taman Susur Jambu ditu, sehari tu.

Iya madah, Anjung Usahawan nya ulih nyadi pelasar ungkup bala pedagang bumiputera ngelakuka produk sida.

“Aku berunding endang patut kitai nyendia palan bedagang ti strategik enggau lantang agi ungkup bala pedagang ditu bejalaika aktiviti sida.

“Nya alai, ba langkar kereja RADDA, kitai udah nyendia agih belanja dikena ngamat pekara nya.

“Perambu tu mega seraris enggau pemansang pelilih Sarikei ti benung ranchak dipejalai berebak ari bemacham fasiliti baru disedia perintah.

“Tu nyengkaum pengawa ngaga jalai baru Sarikei-Tanjung Manis sereta Projek Jalai Besai Pan Borneo,” ku iya.

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU

15 penerima peruntukan khas Perdana Menteri di Mukah

MUKAH: Majlis Sambutan Warga Emas Mukah bukan sahaja menjadi wadah menghargai golongan berusia, malah turut menyaksikan penyerahan pelbagai peruntukan dan sumbangan bagi menyokong keperluan masyarakat