KUCHING: Program operasyen Raban Khas (PPK) dikena mutar isu peranak nadai tingki deka ditampung ba enam zon ba Sarawak taun tu.
Menteri Pemansang Indu, Nembiak Mit enggau Pengintu Pengelantang Komuniti (KPWK), Datuk Seri Fatimah Abdullah madah, nitihka taga operasyen PPK deka mungkur zon Kuching, Sri Aman, Sibu, Kapit, Bintulu enggau Miri.
“Kenyau dipejalai Oktober 2023 nyentuk diatu, PPK udah nerima lebih 5,000 peminta status peranak menua mungkur rayat ari Sarawak.
“Taja pia, kitai empai nemu pemutus peminta nya sekali ke dikemendar tauka enda,” ku iya.
Fatimah mansutka jaku nya ba aum pemberita pengudah Aum Kaban Kaunsil Pemansang Sosial (MPS) Bil. 1/2024 di Wisma Bapa Malaysia, ditu tadi.






