Program TRIZ: Nempa runding chara baru

KUCHING: Program TRIZ deka meri empas tinggi ngagai kus pelajar Sains, Teknologi, Injinir enggau Matematik (STEM) sereta ubah Inovasyen Digital ngagai bala nembiak.

Ketuai Pemesai Operasyen Tabung Ekonomi Gagasan Anak Bumiputera Sarawak (Tegas) Awangku Merali Pengiran Mohamed madahka TRIZ tu bisi nyelai laban ngajar mensia ngena mayuh bengkah chara berunding.

“Dunya majak berubah, nya kebuah kitai begunaka perengka dikena berunding ti baru baka TRIZ.

“Tegas endang meransang raban iya nyikap diri ba guna berunding nengah TRIZ dalam bidang STEM enggau inovasyen digital ba atur program ti mai empas besai ngagai menua,” ku iya.

Awangku bejaku munyi nya lebuh aum pemberita rambau Pengerami Anugerah Pentauliahan Pengamal TRIZ ti keterubah di Borneo ditu tadi.