Projek perintah deka dipatau nengah aplikasyen digital

PUSA: Semua projek ari ejensi pengereja pengawa perintah sarawak diatu deka dipatau nengah aplikasyen digital.
Kepala Menteri Datuk Patinggi Abang Johari Tun Openg madah pengawa matau (ngena telefon) semua projek perintah nengeri ari aplikasyen udah berengkah ba semua pejalai genap iti projek ti digaga perintah Sarawak nyengkaum iya ke udah tembu.

“Mensia mayuh mega ulih nemu semua pejalai projek pemansang dibai perintah nengeri nengah aplikasyen genap opis bekaul tang sida meseti bisi ‘password’ aplikasyen opis ti deka dilawa sida.”

“Ambi chunto, piak Opis JTS diatu udah bisi aplikasyen sida iya empu lalu meri pemaik sereta penguntung nuju mensia mayuh ari tikas belanja lalu enda masau hari ngelawa opis JTS.”

“Kebuah pia, laban aplikasyen tu mega ulih dikena mensia mayuh bebayarka chukai tanah baka Sarawak Pay ti bisi disediaka ba aplikasyen nya.”

“Kelimpah ari nya, mensia mayuh mega ulih meda lalu ngechik kar entara tanah diri empu ke udah disukat laban nya bisi disediaka mega ba aplikasyen opis JTS.”\

NAMA BERITA?…Abang Johari betabi enggau mensia mayuh ti ngambat penatai iya ba Program Rindok Digital ke diatur Sarawak Multimedia Authority ba Dataran Tandang Sari ditu pagi tadi.

“Diatu semua ketuai opis enda ulih ngemulaka kami. Laban semua penerang bisi ba ujung jari kami.

“Kami nemu ni genap projek ke udah diberi agih belanja enggau naka ni udah digaga,” ku iya.

Kepala Menteri madah munyi nya lebuh bejaku bejadi Program Rindok Digital ke diatur Sarawak Multimedia Authority ba Dataran Tandang Sari ditu pagi tadi.

Sama datai Sapit Kepala Menteri kemega Menteri Wang Kedua sereta Kaban Kaunsil Sarawak Multimedia Authority Datuk Amar Douglas Uggah Embas, Menteri Utiliti Datuk Seri Dr. Stephen Rundi Utom, Kaban Parlimen Batang Lupar, Datuk Rohani Abdul Karim, Adun Lingga Simoi Peri, Adun Saribas, Razi Sitam, Adun Layar, Gerald Rentap Jabu enggau ketuai opis-opis perintah.

Suara Sarawak