BINTULU: Parti Rakyat Sarawak (PRS) andal parti nya ulih ngetanka semua 11 penuduk Kunsil Nengeri (Dun) parti nya maya Pengawa Bepilih Besai Nengeri (PRN) ke-12 ila.
Pengandal nya dibantaika presiden iya,Tan Sri Dr James Jemut Masing bepelasarka perati iya ngagai pendiau politik kemaya hari tu lalu ngasaika parti ba tikas pemadu manah nadai sebarang isu dalam parti ke ulih ngasuh rayat nadai arap.
Aku meda pengering sukung rayat ngagai PRS enggau GPS majak nambah lalu kenyau minggu ke udah, majak manah.
“Kitai deka ngetanka semua penuduk Dun kitai, ku iya rambau Pengerami Masai Rayat ba Rumah Engkabang Anggang, Batu 14 Jalai Bintulu-Miri, malam kemari.
Ba PRN11, PRS menang ba semua 11 penuduk Dun ke dipelaban iya nya Baleh, Murum, Belaga, Pelagus, Ngemah, Kakus, Tamin, Samalaju, Batang Ai, Balai Ringin enggau Bukit Begunan.
