KUCHING: Parti Bansa Dayak Sarawak (PBDS) nengah presiden sida, Mejar (B) Moses Ripai ngelalau Perintah Besai ngambi nagang rega barang rambau pengerami Hari Gawai tu ila.
Ku Moses, nya nyengkaum Opis Menteri Dalam Menua enggau Kos Idup (KPDN) sereta Perintah Sarawak dikena nagang rega barang pemun baka manuk, dagin, tepung, gula enggau ti bukai.
“Komuniti Malaysia kelebih agi ti diau ba menua ulu ba Sarawak balat nerima empas ari penanggul ekonomi kemaya hari tu lebuh rega barang majak niki enggau nadai betatak.
“Rega barang ba menua ulu pen bela niki laban ungkus pengangkut enggau ungkus barang ba mengeri.
“Nya alai, kitai ngarap bala pedagang enda nikika rega barang sepeneka ati,” ku iya.
