Rentayan jalai S’wak-Kalimantan 2020-2030

KUCHING: Perintah Sarawak deka ngaga rentayan jalai alun sepanjai garis entara menua Sarawak-Kalimantan ti dipasuk dalam Langgur Pemansang Malaysia Lumpar Ke-12 (RMK-12).

Sapit Kepala Menteri, Tan Sri James Jemut Masing madahka jalai alun nya urung 1,032 kilometer (km) pemanjai lalu pati jalai urung 610 km pemajai dipelaba beungkus RM24 bilion, berengkah digaga ari taun 2020 ngagai 2030.

“Rentayan jalai tu berengkah ari Biawak ke Serikin enggau Engkilili nengah Lubok Antu, Long Silat, Long Banga, Bario, Ba’Kelalan, Long Semado, Long Sukang sereta tembu ba Pasar Lawas.

“Tu berindik ari menua Indonesia ngemendarka perambu mindah indu mengeri ke Kalimantan Timur datai ba taun 2024,” ku iya.

Iya mansutka jaku nya nengah penerang berita pengudah mendingka penerang ari Sapit Direktor JKR (Bagi Pekara Perambu Korporat), Norman Jan ba Program Rentayan Jalai Alun Pengelikun Garis Entara Menua ditu, kemari.