RM20,000 ungkup Rumah Acai nyungkur taba rumah panjai baru

SARATOK: Rumah Acai di Ulu Awik ditu udah nerima geran penyampau RM20,000 dikena nyungkur taba rumah panjai baru.

Sapit Menteri Pengeluar Kuasa enggau Pengeraja Asal, Ali Biju madah, agih belanja nya diberi nengah Projek Mit Pemansang Menua Pesisir (MRP) sitak Parlimen Saratok.

Ku iya, rayat rumah panjai nya udah lama sebanaka diri tusah ketegal taba rumah panjai sida ke diatu suah dituntung penusah ampuh bah.

“Sinu ninga sebana rayat ti ukai semina tasah ketegal ampuh bah tang mega rugi reta tengkira enggau keresa lama mayuh rusak lebuh penusah nuntung.

“Nya alai kitai ngarapka pengawa nyungkur tanah jampat dipejalai lalu ulih ngerumban pengawa ngentak rumah panjai ke baru dikena mutarka penusah ditapi sida serumah,” ku iya.

Jaku Ali nya dikenatai pengari iya, pengajar Walter Changgai Geramong ba pengawa nyuaka chek MRP ngagai Rumah Acai, Ulu Awik ditu, kemari.

Iya ti mega Kaban Parlimen Saratok madah, agih belanja diberi nya dikena nyaup mayar ungkus lipan ke nyungkur tanah taba rumah panjai baru.

Suara Sarawak