ARTIKEL

RM3.1 juta pegerugi ari kes nipu meri jali bula di Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Ulah nipu meri jali bula entara penyalah ke pemadu mayuh dirikod ba Sarawak kenyau ari 1Januari nyentuk 31 Ogos taun tu ke ngerikodka sepenyampau RM3.1 juta ari 326 kes.

Kepala Polis Sarawak, Datuk Aidi Ismail madah, dalam timpuh lapan bulan keterubah taun tu, bisi RM38.9 juta pengerugi dirikodka lalu ba timpuh ke sebaka taun nyin kemari, bisi RM52.8 juta dirikod lalu tu mandangka bisi nurun sepenyampau 26.33 peratus tauka RM13.9 juta.

“Penyalah besai kedua pemadu mayuh iya nya Macau scam bisi 120 kes ke mungkur pengerugi manggai RM4.1 juta dalam timpuh ke sama taun tu.

“Pengawa nyaru diri mega penyalah besai lumur tiga mayuh ngerikodka 96 kes enggau penyampau pengerugi manggai RM597,000,” ku iya.

Iya madah munyi nya ba pengerami pasal Penyalah Wang nyerumba Kimpin Penyedar Wang Sarawak diatur nengah chara digital, kemari.

Kenu ku Aidi mega, bisi 92 kes mungkur penyalah nyual enggau meli kerita ngujungka pengerugi manggai RM980,000.

“Penyalah besai kelima pemadu mayuh dirikod ba Sarawak iya nya love scam tauka Arfican scam tauka parcel scam iya nya bisi 88 kes mungkur pegerugi manggai RM1.9 juta.

“Penyalah tu ngena pelasar internet enggau telekomunikasyen nipu orang sereta nyaru diri nyadi polis, raban ari kort, SPRM, LHDN, Bank Negara Malaysia, bank-bank besai, Pos Laju enggau ke bukai,” ku iya.

Ku iya, orang ke ditipu ku iya udah nya diasuh ngaga bayar ketegal bemacham kebuah enggau niat deka ngulihka duit orang ke ditipu.

“Nya alai, aku ngelalau mensia mayuh anang mantaika sebarang penerang bank tauka penyampau duit kita.

“Lumur dua, anang irau tauka takut ditangkap raban polis nyema kita nadai ngereja sebarang penyalah, tutup terus kangau telefon nya,” ku iya.

Aidi mega madah, raban polis tauka sebarang ejensi perintah enda betelefon ngagai lumur telefon orang bekaul enggau kes tauka nguji mutarka pekara nya nengah kangau telefon.

“kita ulih betelefon terus tauka ngelawa balai polis ke semak nyema bisi ati nangi,” ku iya.

Lumur telefon CCID Infoline ke ditumbuhka Opis Pansik Penyalah Besai Bukit Aman iya nya 013-2111222 tauka CCID Scam Response Center ba lumur 03-26101559 enti deka ngaga sebarang ripot tauka betanyaka pekara bekaul.

BERITA LAIN

BERITA TERBARU

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup