ARTIKEL

RM5 juta diberi Motac dikena ngemanah Kampung Budaya Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SANTUBONG: Kampung Budaya Sarawak (SCV) nerima agih belanja RM5 juta ari Opis Menteri Dagang Temuai, Seni enggau Main Asal Malaysia (Motac) ungkup pengawa nyeleti enggau ngemanah infrastruktur dia.

Menteri Dagang Temuai, Seni enggau Main Asal, Datuk Seri Nancy Shukri madah, agih belanja nya sebagi ari RM20 juta ti udah dikemendar Perintah Besai nengah Bajet 2021 Belanja Perengka Guna Projek Khas, Projek di baruh agih belanja Kampung Budaya.

“Agih belanja tu dikena nyeleti enggau ngemanah perengka guna produk dagang temuai baka kampung budaya di empat nengeri iya nya di Sarawak, Negeri Sembilan, Terengganu enggau Melaka.

“Ungkup SCV, agih belanja nya ungkup nyeleti infrastruktur nyengkaum perabung rumah etnik sereta ngemanahka agi palan nya nyadi entara palan pematak main asal di menua tu.

“Kami mega deka nyaga pengelikun enggau pengelantang bala temuai ke ngelawa endur nya,” terang iya.

Nancy mansutka jaku nya di aum pemberita lebuh ngabas enggau bejadika Projek Nyeleti Atap Kampung Budaya Sarawak di Teater Budaya SCV, apin lama ke udah.

Ku Kaban Parlimen Batang Sadong nya, Motac udah dilempai tanggung pengawa nyeriris projek tu seraya Kaunsil Pemansang Ekonomi Sarawak (SEDC) dichiri nyadi ejensi pengatur ba renggat nengeri.

“Ba Sarawak kitai bisi Kampung Budaya Sarawak lalu raban SCV udah sedia bejalaika pengawa nyeleti palan pematak temuai nya.

“Projek tu deka ngemanahka agi kualiti infrastruktur sereta nentuka SCV nyendiaka infrastruktur pemadu manah ngagai bala temuai.

“Aku ngarapka pekara tu ulih matak perati bala temuai ngambi meda produk ke nyelai ditu laban SCV nya kampung budaya pemadu manah ba menua tu,” terang Nancy baru.

Nangkan nya, Chairman SEDC Tan Sri Datuk Amar Abdul Aziz Husain madah, projek nyeleti nya deka berengkah dipejalai 1 November tu lalu disadang tembu June 2022.

“Tu nyengkaum nyeleti perabung enam rumah etnik ditu nyengkaum restoran.

“Kami andalka penembu projek tu deka nentuka SCV nyendiaka infrastruktur pemadu manah ngagai bala temuai,” ku iya bejaku nengah online.

Ba lansa sama, iya madahka SCV diatu dibuka baru ngagai bala pengusung berengkah 1 Oktober tu tadi lalu bayar masuk kia semina RM20 aja ungkup rayat Sarawak.

Nambahka nya, pengusung ukai rayat Sarawak dipinta mayar RM60 siku lalu promosyen nya sah nyentuk ujung Disember tu.

Sama datai Tuai Sekretari Tetap Motac, Datuk Dr Noor Zari Hamat enggau Menteri Dagang Temuai, Seni enggau Main Asal Sarawak, Datuk Abdul Karim Rahman Hamzah.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup