ARTIKEL

Rumah Entagau nerima belanja khas berumah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARIKEI: Lebih 100 peranak Rumah Entagau Kasi di Stok ditu lantang ati pengudah nerima agih belanja khas dikena ngentak baru rumah panjai sida.

Agih belanja nya ari Perintah Gempung Parti Sarawak (GPS) nengah Kaban Kunsil Nengeri (Adun) Repok, Dato’ Sri Huang Tiong Sii.

Kenu ku Tuai Rumah Entagau Kasi, berita manah nya ukai semina mai pengelantang tang mega ngelempungka tating belanja sida serumah berumah panjai baru.

“Aku berasai lantang amat laban bisi pengari rayat ti chukup siruka nasip nembiak redak dipegai iya nengah agih belanja khas ngentak baru rumah kami.

“Pemeri tu nyata ngayanka iya siku ketuai ti meretika peminta kami ngembuan rumah ti likun enggau lantang agi,” ku iya.

Ba lansa bukai, Huang madahka agih belanja khas nya nunjukka Perintah Sarawak enda nejuka rayat.

Rumah panjai nya ku iya, bisi 18 pintu bilik lalu diuan urung 100 iku.

TEPANTUP ATI… Huang disempulang bala bukai ngatur pejalai ngabas taba ngentak baru Rumah Entagau tadi.

BERITA LAIN

Tiga lelaki ditan

MUKAH: Tiga lelaki peranak menua beumur entara 24 nyentuk 26 taun ditan pengudah ditemu positif dadah bansa methamphetamine ba Operasyen Begulai Nagang Penyah t i

6.49 gram dadah dirampas

KUCHING: Bisi 14 individu ditan ba bemacham penyalah bekaul dadah ba Op Tapis Khas ti dipejalai pengelama tiga hari ngelingi pelilih tu, ari 25 nyentuk

BERITA TERBARU