Rumah Panjai Long Balau angus lengis tengah malam tadi

ULU BARAM: 25 pintu bilik Rumah Panjai Long Balau lenyau endur diau udah rumah panjai sida angus lengis tengah malam tadi.

Ketuai Opis Bomba enggau Penyah Penusah Zon Miri, Law Poh Kiong madahka tebal agi peranak dia benung jenak tinduk lebuh penusah nyadi urung pukul 12 tengah malam.

Ku iya, taja rumah panjai angus lengis tang nadai sebarang penusah bakal tauka bebadi nyawa nyadi.

Seraban bomba ari Balai Bomba enggau Penyah Penusah (BBP) Marudi enggau pemesai pansik bomba ari BBP Miri ngesah ngagai endur penusah nyadi urung pukul 10.30 pagi tadi.

Sida datai kia laban deka matau semak agi enggau meresa silik gaya penusah nya.

Rumah panjai ditinggang penusah tu enda jauh ari Kampung Long Seridan, kira-kira semilan jam pejalai nengah jalai darat.

Long Balau tu sebuah rumah panjai bansa Penan di Ulu Baram dipegai Pelilih Mit Bario.

Suara Sarawak