ARTIKEL

ABANG JOHARI

Sarawak, China bekerejasama nyerungkai herba

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak benung mansik kerejasama enggau palan pelajar tinggi ba China senentang pekara bekaul ubat herba.

Premier Sarawak, Datuk Patinggi Tan Sri Abang Johari Tun Openg madah, nengeri tu benung nyerungkai pemansut asal.

Nya alai, iya madah, perambu ngena herba ba pengawa berubat patut diserungkai.

“Borneo endang kaya enggau biodiversiti lalu kitai mega bisi raban saintis ari komuniti Islam enggau ukai Islam.

“Tebal agi orang ari China ngembuan penemu ti dalam ba pengawa bekaul ubat herba lalu kitai ulih nyerungkai herba nya dikena ngasilka ubat ti bisi pengulih dikena nyuman sebarang penyakit,” ku iya.

Abang Johari mansutka jaku nya rambau bejadi Makai Lemai Gala Aum Antarabansa Chgina Muslim ba Hotel The Waterfront ditu, malam kemari.

Iya madah, ba China bisi sebuah palan pelajar tinggi iya nya Universiti Fudan ti ngembuan penyulut ba pengawa bekaul ubat herba.

“Nya alai, aku meransang Sarawak enggau Malaysia bekerejasama enggau palan pelajar tinggi nya dikena nyerungkai pengulih bejalaika pansik biodiversiti kitai,” ku iya.

Iya nyemetak madah, nengeri tu diatu benung numbuhka Palan Penyakit Berampit Sarawak (SIDC).

“Kitai udah netap urung RM200 juta dikena numbuhka palan pemansik tu ba baruh Sapit Premier Sarawak, Datuk Seri Dr Sim Kui Hian.

“Kitai bisi lutur enggau pemansik ba din lalu nyangka tu peluang manah dikena kitai nempa kerejasama,” ku iya.

BERITA LAIN

Tiga lelaki ditan

MUKAH: Tiga lelaki peranak menua beumur entara 24 nyentuk 26 taun ditan pengudah ditemu positif dadah bansa methamphetamine ba Operasyen Begulai Nagang Penyah t i

6.49 gram dadah dirampas

KUCHING: Bisi 14 individu ditan ba bemacham penyalah bekaul dadah ba Op Tapis Khas ti dipejalai pengelama tiga hari ngelingi pelilih tu, ari 25 nyentuk

BERITA TERBARU

RM1.272 bilion perkukuh bekalan air di Sarawak

KUCHING: Enam projek bekalan air di Sarawak bernilai keseluruhan RM1.272 bilion akan diteruskan menerusi Pelan Pelaksanaan Berkala Pertama Rancangan Malaysia Ke-13 (RMK13) bagi meningkatkan akses

Polis tahan empat suspek kes khianat simbah cat

MIRI: Gara-gara tuntutan hutang pinjaman wang dalam talian yang dipercayai dibuat oleh anak lelakinya, seorang bapa berusia 54 tahun menerima ugutan sebelum kediamannya di sebuah