CHINA: Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah udah ngatur penemuai basa ngagai Sapit Tuai Direktor Betukar Antarabansa enggau Kerejasama Opis Main Asal enggau Dagang Temuai China, Peng Yubin.
Penemuai basa nya diatur ba Opis Main Asal enggau Dagang Temuai Republik Rakyat China, Hari Satu tu tadi.
Ku sebengkah penerang, penemuai nya dikena nanggam kerejasama dagang temuai entara Sarawak enggau China.
“Entara pekara ti dikerandau nya Sarawaknyadi Palan Dagang Temuai Beempu Tanggungpengawa, baka ni chara ngemudi pemansang eko dagang temuai sereta nyadi hab pengerami ti majak mansang enggau ranchak di Asia Tenggara.
“Bisi mega dikerandau pasal pejalai enggau pengawa besilih temuai, pelajar, randau polisi sereta kerejasama dagang temuai, seni enggau main asal.
“Kelimpah ari nya, kimpin dagang temuai beguna enggau masuk aktiviti dagang temuai mega dikerandau,” ku penerang nya.
Ku penerang nya, Karim mega biis nyebut pasal perambu penerebai terus entara Sarawak engagau China.
Peng Yubin mega ngemeratka pekara besai ungkup temuai China pasal pengelikun.
Dikena nanggam kerejasama begulai, China deka nyendiaka sempketa pemereti ati khas ungkup inisiatif dagang temuai.
Nya alai, Sarawak ngelalu kerejasama tu laban nya deka meri pemaik nyungkak pemansang ekonomi ba rantau tu.
Sama datai ba penemuai basa tu iya nya Menteri Dagang Temuai, Industri Kreatif enggau Seni Pemerindang, Datuk Sebastian Ting Chiew Yew.






