Sarawak dikemansang ngena chuan kediri

KUALA LUMPUR: Bala ketuai Gempung Parti Sarawak (GPS) deka ransing agi gawa ngemansangka Sarawak ngena chuan sida empu.

Kepala Menteri, Datuk Patinggi Abang Johari Tun Openg madahka bala ketuai diatu bisi polisi ti mungkur semua pekara nentuka juluk angkat nyadi sebuah menua bepenatai pemisi tinggi dijapai datai ba taun 2030.

“Kitai deka nukar betanam betupi chara lama ngagai teknologi moden, nambahka peneras sambung internet, ngemanahka sistem pelajar enggau latih ngambika peranak Sarawak diiri ngena penemu pemadu baru dikena ngubah Sarawak,” terang iya.

Kepala Menteri mansutka jaku tu lebuh bejaku ba Pengerami Makai Lemai Lan Berambeh Anak Sarawak 2019 ba Palan Mandang enggau Dagang Entarabansa Malaysia (MITEC) ditu, malam tadi.

SUKUNG TEGUT… TYT Sarawak Tun Taib Mahmud disempulang bini iya, Ragad Kurdi Taib, Kepala Menteri Abang Johari enggau pemesai dipesaba bukai bejadika pengerami Lan Berambeh Anak Sarawak 2019, malam tadi. – Gambar RAMIDI SUBARI.

Suara Sarawak