LUBOK ANTU: Komiti Pemansang enggau Pengelikun Genturung Pendiau (JKKK) Nanga Bengap Renggat Kedua sereta Sarawak Energy Bhd (SEB) Batang Ai bisi ngatur pengawa beripai ngaga siti tekat ai mit, ditu ensanus.
Tuju pengawa nya ngambi ngemuntang peranak dia ngulih ai beresi ari ai ujan ti digumpul ba tekat ai mit nya lalu disambung ngagai rumah panjai ungkup dikena peranak dia ninting hari.
Taja pen ai nya disedia pechuma ngagai peranak ba pelilih dia, tang iya meseti dijaga raban JKKK nitih taga kelebih agi maya hari ujan nentuka paip besai enda alit lalu ai ulih disambung menyana.
Ba pengawa ngaga tekat ai mit nya, SEB mega meri perengka baka batu, semin enggau pasir nyadi sebagi ari pengawa sida bejalaika projek nya.
Nya mega siti chara kerejasama entara JKKK enggau SEB dikena ngemanah infrastruktur lalu nyendia ai chara meruan ungkup peranak Nanga Bengap.






