Sebuah rumah ba Kpg Usahajaya Baru angus

SIBU: Sebuah rumah kayu ba Lorong Sentosa Utara 8A/6, Kampung Usahajaya Baru, Fasa II, Sentosa di Jalai Salim ditu dituntung penusah angus urung pukul 2.30 lemai tu tadi.

Pemangku Ketuai Opis Bomba enggau Penyah Penusah Malaysia (JBPM) Zon 4 Sibu, Wan Kamarudin Wan Ahmad madah, seraban bomba ngena kereban FRT berumban ngesah endur nya.

“Lebuh raban Bomba datai dia, rumah nya endang benung diempa api,” ku iya madah tadi.

Nitihka penerang, bisi enam iku diau ba rumah nya tang semua sida diau ba luar rumah lebuh penusah nyadi.
“Semua sida ke diau dia udah bejalai magang lebuh penusah nya nyadi. Sida engka gawa ba luar enggau anak sida agi ba sekula,” terang iya.

Ku iya, kebuah penusah tu nyadi enggau penyampau pengerugi agi dipansik.

Suara Sarawak