Sekula deka disikap kuasa karan, bekal ai

KUCHING: Bisi 371 buah sekula agi bepanggai ba injin api enggau 428 buah sekula apin nerima bekal ai beresi di Sarawak.

Menteri Pelajar, Sains enggau Pansik Teknologi (GPS-Tebedu) Datuk Seri Michael Manyin Jawong madah, Perintah Sarawak meri agih belanja RM50 juta dikena nyambung 128 buah sekula ngagai grid elekterik ngambika sida ulih nerima bekal kuasa karan 24 jam.

“Perintah Sarawak mega ngungkupka RM9 juta dikena nyambung 41 buah sekula ngagai sistem bekal ai ke udah bisi.

“Dua bengkah projek benung dipejalai tu disadang tembu ba ujung taun 2020,” ku iya.

Manyin madah munyi nya lebuh nyimpul mosyen opis menteri iya ba Aum Kedua Renggat Keempat Dun Ke-18 ditu, tadi.