ARTIKEL

Abang Johari dirandau raban media ba Pengerami Nerima Pengabang Hari Raya Aidilfitri 2024 hari kedua di BCCK kemari. - Foto: UKAS

Serikat Penerebai Sarawak disadang bejalai taun 2025

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak deka ngembuan serikat penerebai kediri ti disadang bejalai ba taun 2025. 

Premier Sarawak, Datuk Patinggi Tan Sri Abang Johari Tun Abang madah, pengawa deka ngembuan serikat penerebai kediri empu nya diatu agi ba renggat teknikal. 

Ku iya, pekara nya udah nerima pemendar ari Komiti Besai Penerebai Malaysia (MAVCOM), Opis Menteri Pengangkut enggau Malaysian Aviation Group (MAG) naka ke diatu. 

“Diatu semina pekara teknikal aja agi, engka bulan lapan tauka ujung taun tu baru pekara nya disadang tembu diatur. 

“Enti sema nadai penanggul, kitai deka ngempu serikat penerebai kitai kediri empu ba taun 2025 ila,” ku iya. 

Iya nerangka pekara nya maya dirandau raban media ba Pengerami Nerima Pengabang Hari Raya Aidilfitri 2024 ba Palan Konvensyen Borneo Kuching (BCCK) ditu kemari. 

Nyaut tanya ari raban media bekaul model enggau nama serikat penerebai nya, Abang Johari madah pekara nya udah bisi tang apin ulih dipadah ngagai rayat naka ke diatu. 

Baca lain  600 peresa chulit ulih diambi dalam sehari

“Model enggau nama serikat nya ila deka dipadah aku ngagai semua enti sema semua pekara tu teputar ila,” ku iya. 

Dulu ari nya, iya enggau bini iya, Puan Sri Datuk Amar Juma’ani Tuanku Bujang, datai di BCCK ba hari kedua pengerami nya ti digulu 10,814 iku pengabang di Sarawak. – EDISI UKAS

NOTIS TENDER

BERITA LAIN

BERITA TERBARU

Kuching, Sri Pahang kongsi mata

KUCHING: Hasrat Kuching City FC (KC FC) untuk meraih kemenangan di laman sendiri tidak kesampaian selepas sekadar seri menentang pasukan Sri Pahang FC dalam perlawanan