MIRI: Siku lelaki putus jari pengudah motosikal dikena iya belantak enggau sebuah lori semak Pendam Riam, lemai tadi.

Ba penusah ti nyadi urung pukul 3.30 lemai nya, lelaki nya diripot ba rantau jalai ari Hiltop nuju Riam.

Nitihka penerang, penusah tu nyadi ketegal lelaki nya deka ngelih entukar ba mua iya.

Taja pia, pengawa ti dikereja tudah tu mai penusah ngagai diri empu lebuh sebuah lori ari sepiak jalai nyau semak endur iya deka ngelampat tadi.

Nitihka penerang, lelaki tu mujur nyeliahka diri ari belantak enggau lori nya tang tubuh kena pirit tayar belakang lori nya.

Ketegal penusah bebadi nya, lelaki tu diripot balat bakal lalu jari sepiak kanan putus.

Tudah tuai udah ditaban ngagai Sepital Miri ngambika diubat.