KUCHING: Sekula Primari (SK) Santubong ti ngembuan 211 iku nembiak entara penerima Projek Point of Presence (PoP) Renggat Dua ti dilanggur ba baruh Opis Menteri Komunikasyen.
Direktor Besai Borneo Restu, Ian Weian Lee madah, kelimpah ari nembiak, urung 1,800 iku rayat ari 267 buah rumah ba kandang menua nya mega nerima pemaik ari PoP tu.
“Ba Sarawak, bisi 681 buah sekula udah dilanggur deka nerima projek tu ke alai sebuah sekula deka nerima sebuah PoP.
“Genap PoP nya ngembuan pengulih nyapai pengelaju nyentuk satu gigabite (1GB) per sikin sereta ulih nyapai nyentuk 100 iku penguna ba takah tiga kilometer (km) ari sekula tauka palan PoP tu didiri,” ku iya.
Weian Lee bejaku munyi nya rambau pengawa ngabas PoP ari Sapit Menteri Komunikasyen, Teo Nie Ching ba SK Santubong ditu, tadi.
