KUCHING: Komiti Besai Pengawa Bepilih (SPR) patut nyerenih silik tetiap petisyen ke dibantai bekaul Ngaduka Baru Entara Menua (KSP) sitak Pengawa Bepilih Besai Sarawak.

Sapit Premier Sarawak, Datuk Amar Awang Tengah Ali Hasan madah, pengawa nyerenih silik nya patut diadu lurus enggau berundingka sadang penemu enggau pengari rayat menua nya.

“Aku ngarapka SPR deka berati enggau silik petisyen ke dibantai rayat ke ngaul diri lalu ngarapka tu ulih diadu enggau lurus,” ku iya.

Awang Tengah nyebut pekara nya lebih dirandau pemberita tembu bejadika pengawa ngelancar Strategi Munas Penyalah Makai Suap Organisasyen (OACS) MINTRED 2030 serimbai Hari Integriti enggau Inovasyen MINTRED di Palan Konvensyen Borneo Kuching (BCCK) ditu, kemari.

Berindik ari nya, iya enggai madahka penyampau bantah dibantai Gempung Parti Sarawak (GPS) ba pengawa ngaduka baru entara menua bepilih nengeri Sarawak.

“Amat, endang bisi (bantah ke dibantai),” ku iya nyemetak.

Seraya pemandang syor nya belabuh kena 1 September 2026, meri peluang ngagai raban bisi kaul mataika pengari rayat menua tauka sukung ngagai perambu SPR.

Timpuh pemandang syor ba KSP nya tembu pukul 5 lemai kemari, 30 September. — ZAHID ZAKI