Subjek Sains-Matematik ngena jaku English dipatau enam bulan

SERIAN: Kaunsil Kepala Pengajar (MGB) deka matau bala pengajar ti ngajar subjek Sains enggau Matematik ngena jaku English kandang enam bulan ba taun baru.

Menteri Pelajar, Sains enggau Pansik Teknologi, Datuk Seri Micheal Manyin Jawong madahka pengawa nyad deka dipejalai pengudah Sarawak dipilih nyadi menua keterubah ngajar dua subjek nya ngena jaku English baka dikedeka Menteri Besai Tun Dr Mahathir Mohamad.

“Berengkah ari 2 Januari 2020, kitai deka bejalaika pengawa ngajar subjek Sains enggau Matematik ngena jaku English ba renggat sekula primari.

“Berindik ari nya, MGB deka matau bala pengajar ti ngajar kededua subjek nya pengelama enam bulan,” terang iya.

Iya mansutka jaku nya ba Pengawa Nyuaka Insentif Nembiak enggau Sekula Nyulut Ke-23 ba Balai Komuniti Serian, ditu tadi.

Suara Sarawak