KUCHING: Perintah Besai deka meri subsidi meli tikit bilun ari Semenanjung Malaysia ngagai Sarawak enggau Sabah beserimbai Pengerami Gawai Dayak enggau Pengerami Kaamatan.
Menteri Pengangkut, Anthony Loke madah, opis menteri iya udah berunding enggau serikat penerebai ungkup program pemungkal ke alai perintah deka meli semua laluh tikit bilun ari Semenanjung Malaysia ngagai Sarawak enggau Sabah enda nyengkaum chukai enggau bayar sebedau kededua pengerami nya.
Ku iya, rega tikit bilun ungkup genap penumpang ba penerebai dalam menua ngagai Semenanjung Malaysia enggau Sarawak sereta Sabah deka ditetapka maksimum RM300 tauka nitih tambang asal enti rega tikit kurang ari RM300.
“Naka 17 Mei 2023, bisi 17, 708 laluh tikit penerebai entara Semenanjung Malaysia, Sabah enggau Sarawak.
“Ari Semenanjung Malaysia ngagai Sabah ari 27 ngagai 29 Mei, bisi 8,903 penerebai ti bisi diatu ari Semenanjung Malaysia ngagai Sarawak ari 29 ngagai 31 Mei, 8,805 penerebai disedia,” terang iya.






