S’wak pemekal kuasa karan Asean

KUCHING: Sarawak benung berunding nyadi pemekal Grid Kuasa Karan Asean besai serantau, ku Sapit Kepala Menteri Tan Sri Dr James Masing.

Masing ti mega Menteri Pemansang Infrastruktur enggau Palan Penyangkai Kapal madah, Sarawak patut ngatur baru rintai penuduk iya lalu patut ba rintai mua sektor kuasa karan.

“Pemansut asal Sarawak enggau palan strategik ari sukut rampa menua ke beguna amat ba rentayan bekal sektor huluan enggau hiliran rantau tu.

“Berindik ari Sarawak bisi pengelebih renggat nasional enggau entarabansa dikumbai sebagi ari Grid Kuasa Karan Asean, nyadi entiti ti ngambi bagi, Sarawak enda tau enda sikar ngatur kuasa domestik nengah infrastruktur moden dikena ngelimat belanja enggau pangka ari pengawa nya,” ku iya.

Iya mansutka jaku nya ba Aum Besai Dagang enggau Ekonomi Entarabansa Sarawak ditu kemari, diketuaika Chairman Bernama Datuk Seri Azman Ujang ke nyadi moderator ba aum besai nya.

Masing madah, naka diatu Perintah Sarawak udah nyual kuasa karan ngagai Kalimantan Barat kenyau ari taun 2016 lalu diatu chakah bejalaika inisiatif Grid Trans-Borneo ngambi ulih meri bekal kuasa karan ngagai menua Brunei enggau Sabah.

Dr James Jemut Masing