Tali karan angus semak SK Ulu Binatang mujur dipadam

BINTANGOR: Penyikar raban Bomba mujur nyeliah penusah besai agi nyadi ba penusah tali karan angus semak Sekula Prima (SK) Ulu Binatang ditu, malam tadi.

Penusah nyadi urung pukul 9.30 malam nya ditemu peranak diau besemak ti meda perechi api ba sambung tali karan sebedau telefon ngagai Bomba minta sah.

Berindik ari nya, Ketuai Balai Bomba enggau Penyah Penusah (BBP) Bintangor, Nicholas Belulin madah, empat raban bomba ngesah kin pengudah nerima kangau urung pukul 9.38 malam.

Ku iya, sebagi ari tali karan angus tang ulih dipadam sebedau nyerarai ngagai endur bukai.

“Api mujur dipadam urung pukul 10.30 malam. Kami udah nya nyerah ngagai piak Sarawak Energy bejalaika pengawa ti patut,” ku iya lebuh dirandau.

Nicholas madah, sida mega bisi matau utai ke nyadi dia nentuka kandang endur nya likun sebedau mulaika diri ngagai balai.

Suara Sarawak