Tanah disukat ukai kena bepolitik

SEMATAN: Kereja nyukat tanah ukai pengawa baru di Sarawak tang udah dipejalai kenyau ari taun 1960-an, ku Sapit Kepala Menteri, Datuk Amar Awang Tengah Ali Hasan.

Nya kebuah ku iya, kereja nya ukai dipejalai ketegal bekimpinka politik baka didawa sekeda piak tang pengeran perintah ngaku hak rayat.

“Perintah seruran ngaku hak rayat enti amat bisi bukti tang sekeda kes kelalu amu lalu ngambu tanah diempu iya siku aja.

“Enti peranak rurus ati minta hak ba tanah nya kitai naka ulih deka mantu iya,” ku iya.

Awang Tengah mansutka jaku nya ba Pengawa Nyuaka Pala Tanah Seksyen 18 Kanun Tanah Negeri ungkup Kampung Pueh ditu tadi.