ARTIKEL

TEPANTUP ATI... Abang Johari enggau bala bukai meda replika Kompleks Islam Sarawak Sri Aman lebuh bejadi kompleks nya ditu, kemari. | GAMBAR GHAZALI BUJANG

Tanah Kenyalang tibang berau Borneo

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SRI AMAN: Perintah Sarawak nengah Opis Menteri Industri Pemakai, Komoditi enggau Pemansang Kandang Menua Sarawak (M-FICORD) ngaluska agi pengawa nempa nengeri tu ngambi ulih ngimport benih padi sereta eksport padi ke luar Sarawak.

Premier Sarawak, Datuk Patinggi Tan Sri Abang Johari Tun Openg madah, randau senentang pekara nya benung diatur enggau Opis Menteri Betanam Betupi enggau Pengelikun Pemakai Malaysia laban diatu pekara import enggau eksport berau semina dipegai Padiberas Nasional Berhad (BERNAS).

“Diatu randau benung dipejalai enggau Opis Menteri Betanam Betupi enggau Pengelikun Pemakai Malaysia bekaul pengawa ngimport benih enggau eksport berau laban nya diatu dikeluarka BERNAS.

“Nyadi kami dekaka pengawa beranakka puku ke alai kaunsil padi kitai ulih diberi pemendar eksport enggau ngimport benih padi enggau berau ungkup pemansut padi kitai,” ku iya.

Abang Johari bejaku munyi nya lebuh ditanya pemberita pengudah bejadi Kompleks Islam Sarawak Sri Aman ditu, kemari.

Berebak enggau nya, iya madah, Perintah Sarawak nitih ke pelasar udah besetuju numbuh Kaunsil Padi Sarawak ti deka ngatur industri berau enggau pemansut berau di nengeri tu.

Nerang silik agi, iya madah, industri padi di bagi menua Sri Aman deka dikemansang ngena benih padi ti meruan ti ngembuan pengulih nyamin asil ti tinggi agi serete tagap.

Ngelansa pasal Kompleks Islam Sarawak Sri Aman, iya madah, pengawa ngaga begunan ikonik nya kelai penyerakup enggau pemansang ti enda ngetu ti benung nyadi kelebih agi ba kandang menua Simanggang.

Ku iya, begunan tu nyadi Kompleks Islam Sarawak ti keempat pengudah Kuching, Sibu enggau Miri.

Iya madah, begunan nya mega endur nyadi palan sekeda ejensi perintah bukai nyengkaum Opis Residen Bagi Menua Sri Aman, Opis Pelilih Menua Sri Aman, Opis Pengarap Islam Bagi Menua Sri Aman, Opis Kampung Kandang Menua Sri Aman, Opis Parit enggau Entali Ai (DID) Sri Aman enggau Unit Komunikesyen Perintah Sarawak sereta Kaunter Servis Sarawak. — EDISI UKAS

BERITA LAIN

PRN Ke-13: GPS bediri ba semua 82 penuduk

KUCHING: Gabungan Parti Sarawak (GPS) deka bediri ba semua 82 iti penuduk Kunsil Nengeri (DUN) Sarawak ba Pengawa Bepilih Nengeri (PRN) Ke-13. Chairman GPS ke

BERITA TERBARU