KUCHING: Gerempung Anak Nyelai Pendiau (Perais) minta perintah enggau Opis Menteri Pelajar (KPM) berunding baru pasal pemutus muka baru sekula.

Presiden Perais, Rapelson Richard Hamit, madah, pemutus muka baru sekula patut ditangguh dulu ngagai siti timpuh bukai pengudah nadai kes baru positif Covid-19 dirikod.

“Ubah tu digaga ungkup nyaga pengelikun enggau pengerai bala nembiak ari kena rampit igi penyakit nya kelebih agi nembiak nyelai pendiau (OKU) enggau nembiak enda bepengerai.

“Apai indai irauka pengelikun enggau pengerai anak sida berindik ari pengerekai pandemik Covid-19 diatu.

“Sida tu mega udah nganjung peminta ngagai piak sekula ngambi nangguhka dulu pemutus nya,” ku iya ba sebengkah penerang berita tadi.