Terenakka integriti maya gawa

“Aku arapka raban komuniti di Kapit lebih chakah agi ngatur program baka tu enggau ngembuan intergriti ambika ulih diterenak dalam diri kitai dikena nagang diri ari tepejuh makai suap ba pengawa ke dikereja kitai.”

KAPIT: Program Kembara Merdeka Ngitauka Menira udah mujur mai semua raban bansa begempuru sama ke diatur ba Wisma Persekutuan ditu ujung minggu tu tadi.

Program berambaika jaku, Sayangi Malaysiaku: Malaysia Bersih diatur raban Opis Pemadah Kapit begulai enggau ejensi opis perintah ke bukai diintu beserimbai enggau Hari Malaysia ke deka datai sereta udah dipenyadi Kaban Parlimen Julau, Larry Sng Wei Shien.

Larry arap bendar raban Opis Pemadah ulih ngatur pengawa ke mai reti pemanah ngagai mensia mayuh baka tu kelebih agi nyerumba Hari Malaysia tu ila.

“Nengah aktiviti baka tu, pengasai ati siku orang taluk enggau sayau ke menua ulih dipeda kitai.

CHAKAH GAWA…Larry (empat ari kanan) sedia ngelepaska bala penyereta enggau ‘konvoi’ lalu diperatika Judy (tiga ari kanan) enggau orang ke gawa ba ejensi opis perintah ke bukai.

“Aku arapka raban komuniti di Kapit lebih chakah agi ngatur program baka tu enggau ngembuan intergriti ambika ulih diterenak dalam diri kitai dikena nagang diri ari tepejuh makai suap ba pengawa ke dikereja kitai,”

“Rukun Negara patut diperati semua orang awakka ulih ngembing kitai ngagai jalai ti manah ba pengidup sehari kitai baka bebasa ke pangan diri enda ngira ari bansa bukai baka adat enggau agama, ngembuan ulah ke mereti, beserakup enggau pangan diri lalu taluk ngagai raja enggau menua kitai Malaysia,”ku iya

Iya mega ngarapka raban nembiak kemaya hari seruran chakah ngulu program ke mai pemanah baka diatur opis perintah enggau gerempung ukai dikuasa perintah (NGO).

Berita sebubu ngapa ke dipansut ke orang nengah media rama baka facebook whatsapp, instagram mega enda patut dipechaya enggau beamat enti penerang ke amat apin bedau ditemu lalu patut mansik dulu pengamat berita ke dibantai ke orang nengah media rama nya ku Larry.

Ba program tu tadi, mayuh pengawa bisi dipejalai nyerumba program tu baka senamrobik, nyadaka pelandai ari Canigia Uden siku pengajar ari SMK Kapit, nyabut tiket betuah, nyerahka menira ngagai ejensi opis perintah enggau ke bukai.

Beserimbai enggau program tu, pekit ngias rumah enggau opis bisi diatur ba renggat pelilih Kapit.

Pengawa bejalai bebala mayuh tauka ‘konvoi’ udah mujur dilepaska Larry lalu mai menira meling pasar Kapit enggau sekeda endur ke udah dipilih.

Sama bisi datai, Pemesai Opis Pelilih Kapit, Judy Henry enggau ke bukai.