ANKARA: Siku chit benama Magawa diaku nyadi ‘penyelamat’ Kemboja ketegal mujur nyidi bom lalu parai ba umur lapan taun.

APOPO sebengkah gerempung Belgium ti matih chit besai Afrika dikena nyidi bom enggau igi penyakit batuk rangkai.

“Magawa regas sereta bemain baka selama tang empai lama berengkah runggu, suah tinduk siang hari sereta enda tentu deka makai.

“Pengelama lima taun gawa, Magawa udah nyidi lebih 100 iti bom sereta mujur nyelamat mayuh nyawa ba Kemboja.

“Nya ti ngujung ke iya digelar HeroRAT APOPO ti pemadu nyulut naka diatu,” ku sebengkah penerang ari APOPO.

Berebak enggau nya, Magawa nerima Anugerah Emas PDSA ba bulan September 2020 iya nya sebengkah anugerah pemadu besai ungkup jelu penyelamat.

Ungkup penerang, chit Afrika nya ada ba Tanzania ba bulan November 2013 lalu dilatih ba Siem Reap, Kemboja ba taun 2016.