KUCHING: Tim nyemerai Sarawak majak nguasa Lumba Borneo Kuching 2025 pengudah nambah enam iti da midul emas ba hari kedua lumba nya ngujungka sida bulih 11 iti emas dikena nyapai selinting 16 midul emas.
Ba Palan Akuatik Pandalela Rinong, Petra Jaya, atlit biak Sarawak, Puong Wei Hii sekali da matak perati mensia mayuh pengudah bulih midul emas ba pekit 200 meter (m) kuak lentang lelaki enggau 200m medley kediri lelaki.
Pia mega, Chereen Yirui Ngo bela meri midul emas ba pekit 50m kuak dada indu lalu Kayleigh Zhi Zuan Ang champion ba 200m medley kediri indu.
Bala pengusung manjung gaga lebuh kuartet rampaian lelaki 4 x 100m Sarawak ti dipasuk Jeff Yu Yang Chua, Darren Yi Chen Leong sereta Matthias Ming Zhi Liew mujur bulih midul emas. Taja pia, semekih nya enda muntang laban tim Sabah bela ngulihka tiga midul emas ti diulih Chu Xin Ying (100m gaya ngati kediri indu), Samuel Ng Chong (100m gaya ngati kediri lelaki) enggau Emmanuel Loh Yung Ming (50m kuak dada).
Atlit Brunei Darussalam majak meri semekih besai ngagai tim tuai rumah sereta ngarap Sarawak ulih ngetan momentum sida dikena nyapai selinting 16 midul emas. – EDISI UKAS
