ARTIKEL

SIDANG MEDIA… Naib Canselor Universiti Malaysia Sarawak (UNIMAS), Prof Dr Hj Ahmad Hata Rasit turut kelihatan Pengerusi Lembaga Pengarah UNIMAS, Tan Sri Datuk Seri Panglima Sulong Matjeraie (kiri) dan Ketua Pejabat Digital UNIMAS, Prof Dr Wan Hashin Wan Ibrahim di Majlis Ikrar Pelajar UNIMAS Sesi 2025/2026 di Kota Samarahan. | FOTO: GHAZALI BUJANG

UNIMAS lambang penyerakup

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Universiti Malaysia Sarawak (UNIMAS) dipeda nyadi lambang menua Malaysia ba pengawa nerenakka semangat beserakup laban diuan raban nembiak ari pupu raban bansa, jalai pengarap, nengeri enggau asal penatai.

Mandal Canselor UNIMAS, Profesor Dr Ahmad Hata Rasit madahka penyelai ti bisi ba komuniti universiti nya nyadi pelasar ti beguna ngagai bala nembiak mereti sereta bebasaka pangan diri.

“UNIMAS ngempuruka raban nembiak ari Semenanjung Malaysia, Sabah enggau Sarawak, bekau ari nya, kami nempa rampa komuniti ti begulai sereta ngelala budaya enggau adat ti bebida.

“Lebuh kitai ngintu Hari Malaysia, hari tu meri reti ti chukup besai ukai semina di Malaysia aja, tang mega di UNIMAS,” ku iya lebuh dirandau Suara Sarawak. Ku iya, penumbuh UNIMAS ti lebih 30 taun ke udah, iya nya dalam taun 1992, nyimpan juluk ti chukup besai kelebih agi dalam nyendiaka peluang pelajar tinggi di Sarawak.

Tandu iya, pemisi UNIMAS di Bumi Kenyalang kelebih agi di Kota Samarahan meri reti ti chukup besai ngagai Sarawak laban enti kelia nembiak ari Sarawak nyau mansang ke Semenanjung Malaysia nampung pelajar sida.

“Diatu, lebuh bisi UNIMAS di Sarawak, nya mai reti ukai semina kitai ditu aja ti ngusung Semenanjung kin belajar, tang orang ari Semenanjung enggau Sabah pan bisi ke Sarawak belajar,” ku iya.

Ahmad Hata madah, penyelai peranak di Sarawak nyengkaum rayat ari pupu raban bansa enggau jalai pengarap mega ulih diasaika ba rampa menua UNIMAS.

Ku iya, Kuching ti dikelala enggau nama Mengeri Penyerakup mandangka penyelai komuniti ti ukai semina ngembuan pemayuh etnik, tang ngerembai di serata nengeri.

“Lebuh sida ba UNIMAS, sekalika ari Sarawak, Sabah tauka Semenanjung, sida deka ngasaika siti fenomena ti nyelai ti ngasuh sida mereti enggau bebasaka pangan diri kelimpah nanggam kaul rat agi,” ku iya.

Iya madah, peneleba nya ngasuh nembiak meretika bida penatai nyengkaum entara komuniti menua pesisir enggau mengeri sereta mega ari mayuh etnik enggau jalai pengarap.

Iya nandu, ulah bebatak asur ti dikemeran di Sarawak kelebih agi di UNIMAS nyadi pelasar ti beguna dalam nempa pemereti ati enggau pengelantang raban nembiak.

“Dalam semangat Hari Malaysia tu, penyelai enggau penyerakup nya mai reti ti besai laban enti kitai beratika tubuh mensia, kitai bisi 99.9 peratus sebaka DNA. “Utai ti ngasuh kitai nya bebida semina 0.1 peratus aja,” ku iya.

Ahmad Hata madah, pelasar pengawa ngenegapka integrasyen, pemereti ati enggau pangan diri sereta idup bebaik beserimbai enggau pengerami Hari Malaysia meseti terus ditanam enda ngira di dalam universiti tauka di selampur menua.

BERITA LAIN

PRN Ke-13: GPS bediri ba semua 82 penuduk

KUCHING: Gabungan Parti Sarawak (GPS) deka bediri ba semua 82 iti penuduk Kunsil Nengeri (DUN) Sarawak ba Pengawa Bepilih Nengeri (PRN) Ke-13. Chairman GPS ke

BERITA TERBARU

Golf Senior Pacu Pelancongan Sarawak

Kejohanan Golf Amatur Senior Antarabangsa Sarawak (SISAGC) 2026 bakal kembali tahun depan selepas edisi sulungnya berjaya menghimpunkan 156 pemain dari enam negara, sekali gus membuka