ARTIKEL

Wan Junaidi ngembuan mayuh peneleba, penau

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Tan Sri Datuk Seri Wan Junaidi Tuanku Jaafar endang siku tuai ti tau diangkat nyadi Speaker Dewan Negara laban iya mayuh peneleba enggau penau.

Menteri Kereja Raya Datuk Sri Alexander Nanta Linggi madahka Wan Junaidi ngembuan peneleba nyadi Kaban Parlimen, Sapit Menteri, Menteri enggau Sapit Speaker Dewan Rayat.

“Nya alai, chiri iya (Wan Junaidi) nya sigi engkeman, kami ba Gempung Parti Sarawak (GPS) berasai temegah sereta beterima kasih laban GPS diberi peluang tu.

WILLIE MONGIN

“Iya endang udah mayuh jasa ngagai menua, nya alai, udah tu, iya ulih meri jasa dalam Dewan Negara ungkup rayat Malaysia enggau Malaysia empu,” ku iya.

Alexander bejaku munyi nya lebuh ditanya pemberita rambau pengerami Bazar Gawai Dayak 2023 ba padang Majlis Bandaraya Kuching Selatan (MBKS) ditu, ensanus.

Nangkan nya, Kaban Parlimen Puncak Borneo Datuk Willie Mongin madah, berita pasal Wan Junaidi dichiri nyadi Speaker Dewan Negara siti pekara ti ngemegahka Sarawak.

“Aku berasai gaga ninga berita tu, nya endang engkeman enggau juluk ati Perintah Sarawak ti deka meda rayat Sarawak diberi basa baka tu.

“Nya endang udah lama dianti, aku ngasaika iya siku ti ulih dikearap laban sebedau tu iya kala dichiri nyadi Sapit Speaker Dewan Rayat enggau ngembuan mayuh penau nyadi Menteri Undang-Undang.

“Tu meri kelai ti manah laban iya ngembuan mayuh penelaba ke alai iya deka meda sukut pengelebih Sarawak dalam Dewan Negara ila,” ku iya.

Wan Junaidi dichiri nyadi Speaker Dewan Negara nganti Tan Sri Rais Yatim ti abis timpuh kena 16 June 2023.

Sebedau dipadu mangku pengawa nya, Wan Junaidi deka dichiri nyadi senator dulu baaum keterubah Dewan Negara kena kemari (19 June) sebedau diaku Sekretari Dewan Negara nyadi Speaker Dewan Negara.

BERITA LAIN

PRN Ke-13: GPS bediri ba semua 82 penuduk

KUCHING: Gabungan Parti Sarawak (GPS) deka bediri ba semua 82 iti penuduk Kunsil Nengeri (DUN) Sarawak ba Pengawa Bepilih Nengeri (PRN) Ke-13. Chairman GPS ke

BERITA TERBARU