ARTIKEL

Wan Junaidi siku tuai endang tau dikearap

Facebook
Twitter
LinkedIn
WhatsApp
Telegram

KUCHING: Tan Sri Dr Wan Junaidi Tuanku Jaafar endang tau dikearap nyadi Speaker Dewan Negara ti baru laban iya mujur ngelaika pengulih nya maya nyadi Kaban Parlimen suba.

Sapit Menteri Besai Datuk Seri Fadillah Yusof madahka sepengelama penggal kepenudi Wan Junaidi, iya siku tuai ti agresif dalam nentuka Sarawak ulih ngatur ubah Sempekat Malaysia 1963 (MA63) enggau konstitusyen ke bukai.

“Iya endang ulih dikearap enggau bisi peneleba, ngasuh iya dipeda engkeman nyadi Speaker,” ku iya.

Fadillah bejaku munyi nya lebuh ditanya pemberita pengudah bejadika Randau Guna Kuasa Agrikomoditi ditu, kemari.

Ku iya, ex-Menteri ba Opis Menteri Besai (Parlimen enggau Undang-Undang) nya enda deka meda mayuh agi pekara besangkut paut MA63 agi.

“Enda, pangku pengawa iya semina nyadi Speaker Dewan Negara.

“Iya engka enda ulih meda silik proses kitai, tang aku ti nyadi Chairman Komiti Teknikal MA63 naka ulih beratika pekara tu (MA63),” ku iya.

Wan Junaidi diaku nyadi Speaker Dewan Negara pagi kemari ba mua 63 Senator rambau Aum Kedua Penggal Kedua, Parlimen Ke-15 Dewan Negara.

BERITA LAIN

BERITA TERBARU