ARTIKEL

Wan Junaidi siku tuai pintar, jauh perening

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa nyiri ex-Menteri ba Opis Menteri Besai (Parlimen enggau Undang-Undang), Tan Sri Wan Junaidi Tuanku Jaafar nyadi Speaker Dewan Negara ke-19 endang pilih ti engkeman, ku Datuk Seri Fatimah Abdullah.

Menteri Pemansang Indu, Anak Mit enggau Pengintu Pengelantang Komuniti (KPWK) nya madah, kebuah pia laban iya mayuh penemu enggau peneleba pasal prosiding dalam Aum Parlimen.

“Sebedau tu mega, Wan Junaidi kala dichiri nyadi Sapit Speaker Dewan Rakyat lalu pekara nya nyata nunjukka iya endang patut mangku penuduk ba dalam tauka luar pengawa nyengkaum tikas antarabansa.

“Iya mega chalun ti bepenau, kami berasai temegah enggau gaga ninga berita iya dichiri mangku penuduk nya,” terang iya.

Fatimah mansutka jaku nya pengudah bejadi Pengawa Ngelanchar Diploma Pelajar Tumu Anak Mit di Universiti Teknologi Swinburne Kampus Sarawak, ditu kemari.

Ku iya, Wan Junaidi nya chunto manah laban iya sanggup gawa baru taja udah pinchin.

Ungkup rikod, Wan Junaidi angkat sumpah nyadi Speaker Dewan Negara kemari (19 June) nyilih Tan Sri Rais Yatim ti abis penggal kena 16 June tu tadi.

Ba lansa bekaul, Wan Junaidi ngepunka pejalai politik iya nyadi Kaban Parlimen Batang Lupar ari 1990 nyentuk 2004 sebedau nyadi Kaban Parlimen Santubong nyentuk pinchin taun nyin tadi.

Iya mega kala nyadi Sapit Speaker Dewan Rakyat ari 28 April 2008 nyentuk 3 April 2013 sebedau mangku sekeda pangku pengawa dalam Kabinet Perintah Besai berengkah nyadi Sapit Menteri Dalam Menua kena 16 Mei 2013 ngagai 29 Julai 2015.

Udah nya, iya nyadi Menteri Pengeraja Asal enggau Rampa Menua ari 29 Julai 2015 ngagai 10 Mei 2018 enggau dichiri nyadi Menteri Pemansang Orang Dagang enggau Koperasi ari 10 March 2020 ngagai 16 Ogos 2021.

Udah nya, Wan Junaidi nyadi Menteri ba Opis Menteri Besai (Parlimen enggau Undang-Undang) ari 30 Ogos 2021 ngagai 24 November 2022.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

3,050 kanak-kanak terima manfaat di 110 pusat SeDidik

KUCHING: Kerajaan Sarawak melalui Kementerian Pembangunan Wanita, Kanak-Kanak dan Kesejahteraan Komuniti (KPWK) terus memperkukuh pembangunan awal kanak-kanak bagi memastikan mereka mendapat pendidikan berkualiti dan peluang